Contoh Teks Pranatacara

Perpisahan Kelas 6 SDIT Salman Al Farisi 2

Assalamu’alaikum Wr.Wb.

Alhamdulillahi wakafaa. Washalatu was salaamu ‘alaa Rasulillahil mustafa. Wa’ala alihi wa ashabihi wa mani’tadaa. ‘Ammaba’d.

Ibu Kepala Sekolah SDIT Salman Al Farisi 2 ingkang kinurmatan. Bapak/Ibu guru saha karyawan ingkang kula urmati. Lan para kanca-kanca ingkang kula tresnani. Langkung rumiyin sumangga kita sami-sami ngaturaken puji lan syukur dhumateng Gusti Allah SWT, ingkang sampun kepareng paring kanugrahanipun, satemah kula lan panjenengan sedaya saget kempal manunggal wonten ing wanci menika ngrawuhi acara Wisuda Kelas 6.

Bapak Kepala Sekolah lan Bapak/Ibu guru ingkang kinurmatan. Langkung rumiyin badhe ngaturaken urutaning adicara, yaiku:

1. Purwaka,

2. Tanggap wacana saking Ibu Kepala Sekolah,

3. Pentas seni kelas 6,

4. Atur perpisahan saking wakil kelas 6,

5. Ndedonga.

Bapak/Ibu tamu undangan ingkang kinurmatan, mekaten urutaning adicara ingkang badhe lumampah ing wekdal menika. Adicara ingkang kaping setunggal inggih menika purwaka, summangga kula lan panjenengan sedaya kawiwitan kanthi maos Basmallah sesarengan. Sumangga.

….…………………………. Waosan Basmallah ………………………………

Adicara ingkang kaping kalih inggih menika tanggap wacana saking Ibu Kepala Sekolah. Dhumateng Ibu Ika, kasumanggakaken.

….…………. Tanggap wacana saking Ibu Kepala Sekolah …………………

Matur nuwun dhumateng panjenenganipun Ibu Ika. Adicara ingkang kaping tiga inggih menika pentas seni kelas 6, kasumanggakaken.

….…………………..…… Pentas seni kelas 6 ……………………….………..

Matur nuwun dhumateng wakil pentas seni saking kelas 6. Adicara ingkang kaping sekawan inggih menika atur perpisahan saking wakil kelas 6, dhumateng sedherek Azfazaki Hakimi, kasumanggakaken.

….………………. Atur perpisahan saking wakil kelas 6 ………………………

Matur nuwun dhumateng sedherek Azfazaki Hakimi. Salajengipun adicara ingkang pungkasan inggih menika panutup. Ing pungkasan adicara menika, sumangga kita ngaturaken puji syukur dhumateng Gusti Allah SWT, kanthi sesarengan maos Hamdallah. Sumangga.

….…………………..………. Waosan Tahmid …………………..……………

Ing wasana cekap semanten. Dhahar ketupat ngangge santen, menawi lepat nyuwun pangapunten. Sugeng sonten,

Wassalamualaikum Wr. Wb.